影片
更多
2008-10-01
8 浏览
同男友好耐冇出街食饭, 所以今日要食番餐似样d既晚饭, 就去咗"风月堂"喇~两人入到去时间还早唔驶等位, 个姐姐仲俾咗个4人既"L"形梳化位俾我地, 眼见周围环境以白色为主, 地方好阔落, 坐得几舒服~侍应好快放低清水同精致餐具篮, 食具干净, 枱面仲有小花仔装饰, 唔错唔错, 啱晒我呢种中意食环境既人晚餐头盘: 日式带子沙律---带子厚肉几鲜味, 沙律菜点碟边和风汁, 酸酸味味几开胃餐汤: 我)忌廉粟米虾汤---平时好少叫白汤, 呢个唔错, 入面有虾肉, 味道起码一定好饮过PIZZAHUT 友)罗宋汤---男友话唔错俾70分佢㖞, 见佢挂住饮唔记得俾我试吓应唔差得去边主菜: 我) 煎鲈鱼拼大虾配白菌汁意粉---自己好少食白汁, 觉得漏, 自己个胃唔太受得, 今日都一样, 因为冇得拣食到一半就好饱喇, 鱼同虾都好好味, 虾既身仲"met"埋壳先至煎, 几香口又大只, 鲈鱼滑唔腥, 系略嫌个白汁漏d, 同埋意粉唔够爽身, 下次都系拣番d茄汁底好d~主菜: 友) 西冷扒拼煎鹅肝什菌汁配饭---眼见牛肉煎既成熟几准, 试咗一少件, 有肉味, 食出冇化学过, 至于鹅肝, 其实我唔知佢个餐
两人入到去时间还早唔驶等位, 个姐姐仲俾咗个4人既"L"形梳化位俾我地, 眼见周围环境以白色为主, 地方好阔落, 坐得几舒服~
侍应好快放低清水同精致餐具篮, 食具干净, 枱面仲有小花仔装饰, 唔错唔错, 啱晒我呢种中意食环境既人
晚餐头盘: 日式带子沙律---带子厚肉几鲜味, 沙律菜点碟边和风汁, 酸酸味味几开胃
餐汤: 我)忌廉粟米虾汤---平时好少叫白汤, 呢个唔错, 入面有虾肉, 味道起码一定好饮过PIZZAHUT
友)罗宋汤---男友话唔错俾70分佢㖞, 见佢挂住饮唔记得俾我试吓应唔差得去边
主菜: 我) 煎鲈鱼拼大虾配白菌汁意粉---自己好少食白汁, 觉得漏, 自己个胃唔太受得, 今日都一样, 因为冇得拣食到一半就好饱喇, 鱼同虾都好好味, 虾既身仲"met"埋壳先至煎, 几香口又大只, 鲈鱼滑唔腥, 系略嫌个白汁漏d, 同埋意粉唔够爽身, 下次都系拣番d茄汁底好d~
主菜: 友) 西冷扒拼煎鹅肝什菌汁配饭---眼见牛肉煎既成熟几准, 试咗一少件, 有肉味, 食出冇化学过, 至于鹅肝, 其实我唔知佢个餐有鹅肝, 如果唔系我一定会试吓, 原来图中最顶顶个旧就系, 佢竟然唔话我知, 食饱餐饭出到去佢先提起, 仲话旧肝麻麻地, 不过一分钱一分货啦, 百多元俾呢d野你算系咁...
甜品: 窝夫配雪糕---呢度其实系因为甜品而出名, 窝夫系其中一个推介, 雪糕有好3味选择, 侍应姐姐推介我食豆腐味雪糕, 男友就自己拣芒果味, 冇介绍错, 豆腐味以为会好淡, 但原来豆味几出；而芒果味我觉得似牛奶公司/wall's个d, 冇咩特别, 但窝夫真系好正, 唔知点解佢可以整到个面咁"松脆"同埋里面咁"软熟", 跟餐甜品比较简单, 下次我会散叫佢d甜品, 因为靓好多同好多花款拣...
饮品: 我)冻朱古力---味浓唔太甜啱晒我, 其实佢d热饮杯具超靓, 个个花纹都唔同, 我下次会叫热饮睇吓个杯点靓法~
友)冻咖啡---味苦, 几浓郁, 冻饮都觉得香, 知唔系cheap野, 我谂热饮会仲正, 有机会又唔夜会试吓~
两人今餐食得几满足, d侍应姐姐个个都好好礼貌, 又有笑容, 服务几好, 值得一赞, d食物一道道上, 唔会吹到冻晒, 又做得精美漂亮, 同埋食到后期好多人等位, 但呢度都唔赶客, 眼见好多食客仲慢慢饮慢慢坐....不过我就唔得喇, 我地坐正风口位, 要快快埋单走人...开心既一餐
张贴
