Rughetta Ristorante (已結業)

险些儿俾ｏｐｅｎ rice 个地图欺骗, 佢话间餐厅近兰桂芳, 但我觉得果边应该系云咸街的细number, book位时问吓waiter, 佢话呢度近石板街尽头, 其实上到石板街尽头, 转左, 警署对面就系. 附近有不少餐厅，佢系地库, 招牌唔吸引, 好易行过咗. 星期一的中午, 计埋我哋共6枱顾客，坐得三份一人, 比较安静。午餐包括汤或沙律, 主菜, 甜品和咖啡或茶. 105蚊 + 10%.先上一蓝4款面包，两个人食唔哂, 有点浪费. 友人饮鹰咀豆忌廉汤, 简单豆汤, 几浓豆味.我食鸭胸沙律, 材料新鲜, 味道也不错草菇橄榄油扁面都煮得几香, 质感唔会太腍, 有咬口,茄汁鱼几滑，但份量较细 ，配上鲜蕃茄汁, 几开胃.好彩主菜我地 share 嚟食, 咁就刚刚好.甜品是炖蛋, 加咗d 士多啤梨酱和朱古力酱, 好好食.服务ok, 都会加水,说多谢, 再见… 中环餐厅咁多竞争, 我觉得服务仍有进步的空间 , 例如枱布要十分清洁, 说话要细声点….总括来说，食物水准中规中矩, 味道平均, 环境雅致安静，感觉舒适。