影片
更多
2007-10-07
902 浏览
寻晚(6-10-2007 Sat)系女同事A结婚o既大日子,o系呢o度注册同摆酒.晚宴o系9:00pm正式开始,菜色都大同小异:1.锦绣大红袍(鸿运乳猪全体):皮算脆,但略咸.2.甜蜜添贵子(脆果露笋蚌片玉带子):似雀巢o既o野唔系咁好食,蚌片却唔似蚌片,呢道菜一般.3.百花喜迎新(百花炸酿蟹拑):好热,唔油腻,不过冇咩蟹肉,味道好淡,要点颇多o既甜酸酱o黎食.4.福禄伴瑶池(海螺蒜子瑶柱脯):其实有冇改错名?一般瑶柱脯系将粒瑶柱酿o系瓜内,但呢个唔系o既?每人都分到瑶柱粒,螺片同一撮苋菜.三样o野味道一般,而海螺片却唔似海螺,似斋鲍鱼.5.祝福缘天赐(金汤海皇翅):够味o既,都唔驶加醋食.6.幸福包有余(翡翠鲜鲍脯):一般啊7.丰收庆有余(清蒸东星斑):呢个抵赞,条鱼蒸到o岩o岩好,鱼肉好滑,可惜冇伴上蒸o左鱼o既豉油,否则应该更好味.8.喜奏凤求凰(南乳脆烧鸡):鸡同南乳酱分开上,鸡皮都几脆,不过冇加酱都已经觉得够咸,鸡肉唔干仍滑,有少许鸡味.9.鸿运福满门(海皇烩炒饭)及嘻哈交响乐(上海鲜虾水饺)择一:因饱了,所以我毫不犹豫地拣o左后者,一碗两粒o既水饺,皮够薄,虾亦够爽口,可惜
1.锦绣大红袍(鸿运乳猪全体):
皮算脆,但略咸.
2.甜蜜添贵子(脆果露笋蚌片玉带子):
似雀巢o既o野唔系咁好食,蚌片却唔似蚌片,呢道菜一般.
3.百花喜迎新(百花炸酿蟹拑):
好热,唔油腻,不过冇咩蟹肉,味道好淡,要点颇多o既甜酸酱o黎食.
4.福禄伴瑶池(海螺蒜子瑶柱脯):
其实有冇改错名?一般瑶柱脯系将粒瑶柱酿o系瓜内,但呢个唔系o既?每人都分到瑶柱粒,螺片同一撮苋菜.三样o野味道一般,而海螺片却唔似海螺,似斋鲍鱼.
5.祝福缘天赐(金汤海皇翅):
够味o既,都唔驶加醋食.
6.幸福包有余(翡翠鲜鲍脯):
一般啊
7.丰收庆有余(清蒸东星斑):
呢个抵赞,条鱼蒸到o岩o岩好,鱼肉好滑,可惜冇伴上蒸o左鱼o既豉油,否则应该更好味.
8.喜奏凤求凰(南乳脆烧鸡):
鸡同南乳酱分开上,鸡皮都几脆,不过冇加酱都已经觉得够咸,鸡肉唔干仍滑,有少许鸡味.
9.鸿运福满门(海皇烩炒饭)及嘻哈交响乐(上海鲜虾水饺)择一:
因饱了,所以我毫不犹豫地拣o左后者,一碗两粒o既水饺,皮够薄,虾亦够爽口,可惜汤底冇落韭黄,唔够香.
10.阖府庆团圆(合桃露汤丸):
开头未食汤丸前,觉得合桃露冇咩特别,唔太甜,但食o左粒芝麻汤丸后再食合桃露就觉得好唔掂,竟然系苦o既.
11.双喜福临门(美点双辉):
有笑口枣同红豆糕,我都只系食o左粉红色o既后者,唔太甜,鱼胶粉落得够,用叉子叉落去都冇散开,咬落去都唔会掉落o黎,OK.
食完都已经系11:25pm了,呢o度太隔涉啦,幸好一对新人都安排o左巴士载我o地到金钟地铁站.
服务:
寻晚应该系马会要班trainee上实习课,大多数都由trainee提供服务,水准便拖低了.佢o地可以冇记性到问完个客饮咩o野,边个客要咩,转个头就唔记得,根本就冇心去记.甚至可以冇问我要唔要饮红酒就唔收水杯斟畀我,我系心谂要o既,不过我唔会同佢心灵相通咁吓人o挂.@@”
侍应会将每道菜递到客人面前过目后,便到枱边o既小枱上分开12份,然后遂碟送上,咁样就拖延o左时间.
主要负责我o地呢围o既女trainee,每次serves我o地时都会依足规定讲excuse me,但语气似唔忿气,畀人觉得唔系好想讲咁. @@”
环境:
一流,玻璃幕墙望出马场及豪宅群,夜景仅次于有熣灿o既霓虹招牌/灯饰,已经唔错了.
而室内亦装有多部电视,令坐得较远o既宾客都清楚台上一对新人o既情况.
第一次入马场,第一次有幸o黎呢个咁特别又咁靓o既地方饮宴,真系好难忘,可惜冇带相机,呜呜……
在此再衷心祝福呢对新人百年好合,永结同心,,永远都甜甜蜜蜜,因为你o地寻晚真系好开心好sweet啊,唔好畀佢停.
我亦好多谢佢o地邀请我,令我呢个星斗市民大开眼界.
张贴