Cafe Prince Royal (已結業)

好耐冇同好朋友见面啦！终于约到出嚟！朋友话唔想食太多嘢，想食啲西式嘅嘢！于是我地就拣咗呢一间餐厅！间餐厅唔系好大！今日系闲日，所以唔驶等位，七点几去到已经有位。个Menu有好多唔同嘅西餐，有意粉有pizza有饭，好似普通嘅cafe一样。来呢间餐厅之前，我已经睇咗个Menu决定要All day breakfast!朋友拣左一轮，佢最后都系拣咗All day breakfast! 我就叫咗一杯鲜西柚茶，朋友就拣咗一杯鲜苹果茶！原来杯鲜苹果茶要等成20分钟先上到，个店员话因为要浸20分钟。跟住我哋两个听到个反应都觉得好surprise，竟然一杯先苹果茶要浸20分钟先上。我哋心谂呢杯苹果茶应该唔错🤣最后苹果茶真系差唔多成20分钟先上到，跟住睇到杯苹果茶，原来佢系将啲苹果切到一粒粒咁，可能因为咁就可以浸到啲苹果出味。🤣我自己就觉得杯西柚茶几好饮，唔会太甜，同埋好fresh! 跟住我觉得个All day breakfast份量都几大！卖相几靓，啲肠都煎得几靓，系啲烟肉硬左少少，同干左啲。其他都唔错。我朋友就食唔晒，佢食剩一条肠同少部份烟肉同菜。对女仔嚟讲，呢个份量几够饱！最后同朋友一边好开心咁品尝