canton pot (已結業)

事源今日要贺一位重要的人的重要日子，所以想揾一个可以开心倾到计嘅地方，边食边讲。首先呢度地点好方便，唔似其他旺角地方又迫又多人。第二，呢度有房，虽然都系四人一枱，但系间隔音好好，唔怕大声嘈亲人。第三，呢度啲侍应好好，好nice, 尤其经理Simon Lee, 非常好礼貌同埋好细心，安排得好到位，影相会帮我地熄左个炉先，唔叫都会自动出现，令我地唔会冇嘢饮。食物方面：象拔蚌刺身应该是野生，大片大片上，鲜甜冇腥臭味。特色饺子，试左羊肚菌饺子同芝士饺，一试芝士饺即刻爱上，味道持久难忘。特色汤品，菌汤，味道不太特出，但猪骨汤一上枱即毕一杯你饮，味道很好。肉类，鸡系嘉美鸡，肉味够又唔肥，猪肉出色，牛肉中上，不宜滚太久。小食方面，鱼干同炸皮蛋都非常好吃，送酒一流，还有Simon Lee 贴心送上刚炸好的鱼皮，正！最后，环境一流，酒店级水准，服务亦是上上之选，食物优质，价钱合理，若要三五知己开心聚首，开心边食边倾而又唔受外界骚扰，此处真系一个不二之选。