Lab 66 (已結業)

今晚约咗几个朋友聚聚旧，喺球场过嚟经过黑布街，四周都系食嘢嘅地方，见到呢间外表好似cafe，望入去已经好舒服嘅西餐厅，就试试佢啦。望入去舖仔细细，原来还有楼上雅座，一边嘅装饰好特别好似自己设计咁好有特色。先叫咗个柚子沙律，美味沙律净系外型都已经好吸引，红红绿绿咁，一粒粒晶莹嘅柚子肉，加上红石榴 同埋啲沙律菜，颜色已经好吸引。面层同有少少花生碎同蒜蓉，加上啲柚子汁，食起上嚟非常清新。串烧拼盘上枱嘅时候，串烧切到好似一个小斜塔用梅花间竹嘅方法一层一层叠上去，好有立体感，佢有三种唔同嘅串烧，有鸡肉啦，佢哋鸡肉用七味粉烧烧到好似bbq咁好香，食落去啲鸡肉都几嫩滑。有牛肉啦牛肉带有日本串烧嘅风味，啲牛肉烧到啱啱好一啲都唔韧。有羊肉啦，羊肉串带有阵阵孜然粉嘅香味，已经好吸引。不酒的朋友叫左杯Green绿青绿色嘅果汁，呢到好分明咁见到两层，面层好似泡泡咁，下层应该系果汁，就咁望落好似啤酒咁，一浸泡一阵啤酒，饮落去下面𠮶层嘅果汁好甜，比较重嘅青苹果同提子味，好好饮。然之后搅匀连埋啲泡泡一齐饮过，味道比较淡少少，但系多咗少少橙同奇异果嘅味道。