住家菜 (柯士甸道)

营业中

休息中

今日一行四人拣咗呢间野食，四个人叫左六个菜一个汤。因为有朋友迟到所以我哋等左一阵然后要求要卡位，最终成功左。个汤真系值得赞，好重料而且好多碗汤。开始食饭时我已经饮咗三碗。呢个酒味极重，小妹的确好唔受得酒，所以食左一旧就觉得顶唔顺，同行的友人食左两旧都放弃了。建议唔受酒的人不要点呢个。榄菜四季豆，呢个好好食，好够味，不过始终系小菜难免会咸些小，所以要送饭食架喇。最中意榄菜够多。中式牛柳，我唔食牛所以一口都冇食，呢个系友人叫的，佢地总结系个献太结，太多生粉，然后个牛肉片拿得太劲。不过个味系正常嘅。三杯鸡，鸡件够滑，但系唔够金不换味，干葱太小，而且洋葱又偏多，爆得唔够身，但系个味ok嘅，成煲野主要系我食晒。麻婆豆腐送饭一流的，可惜唔够热，食左一半大家就放弃了。