影片
更多
2009-03-28
77 浏览
寻晚(27-3-2009Fri)同男友为女友人CK同男友人EC补同预祝生日,约o黎呢o度食,7:30pm o黎到,几多人,好彩我o地book o左位,入到去,男男女女都忙个不停,同亚叔讲我o地book o左位,佢叫我o地同老板娘讲.咁都得?我o地等呀等,叫呀叫,好耐,老板娘至理我o地,我o地答book o左5人,但佢指一张有6个位o既枱,示意留o左o个o度,叫我o地坐入去,我话o衣o家我o地得4个人,我指住另一张4人枱问使唔使改坐o个张?(其实o个张窄啲,我o地唔介意,因唔想阻佢o地做生意)佢话是但啦,o个张啦(都系指住个6人位.)啊,咁坐住先啦.之后个亚叔畀茶我o地,我又再提出掉去o个张4人枱,佢又系答是但啦,呢张啦.哈哈.我o地睇menu时,老板娘畀9样前菜我o地,我又再提出要求,佢就用妈妈o既语气话唔好搬啦,唔好麻烦啦.哈哈,真系有趣.既然系咁,我o地就放弃啦.我o地决定要$350.00o既海鲜什锦,$110.00o既牛肋骨,$110.00o既牛脷.order完后,竟然换上龟背,而食物都一一送上啦.牛脷,一放落去烧一阵就已经好香,因为切得唔厚,食落味道唔错,亦够爽.牛肋骨,亦都系
之后个亚叔畀茶我o地,我又再提出掉去o个张4人枱,佢又系答是但啦,呢张啦.哈哈.
我o地睇menu时,老板娘畀9样前菜我o地,我又再提出要求,佢就用妈妈o既语气话唔好搬啦,唔好麻烦啦.哈哈,真系有趣.既然系咁,我o地就放弃啦.
我o地决定要$350.00o既海鲜什锦,$110.00o既牛肋骨,$110.00o既牛脷.order完后,竟然换上龟背,而食物都一一送上啦.
牛脷,一放落去烧一阵就已经好香,因为切得唔厚,食落味道唔错,亦够爽.
牛肋骨,亦都系烧一阵都有得食,又唔错啊.
不过呢o度生菜唔会色费畀你,要另外叫.个篮有生菜,蒜同紫苏叶,
而海鲜,有大虾,带子,鲜鱿,青口同唔知咩鱼片,大虾虾肉爽,又有虾膏,好味.其他亦都新鲜好味.
而每人中途都有萝卜汤同白饭,我o地食唔晒啲饭.
至于前菜,我冇食晒咁多样,我食o左猪肉,泡菜,萝卜,薯仔.我觉得头o个样麻麻地,其他都中规中矩.
调味料:
佢o地o既麻油好香,好够味,所以我好多o野都蘸o黎食.
而面豉酱,佢o地个个都话咸,我又唔觉,而且又几好食.
服务:
老板娘会不时走o黎帮客人将啲o野放去烧,连亚叔都话佢赶客,哈哈.
我o地食完晒o野后,个亚姐走o黎畀生果我o地,重问埋单啊?CK答未,佢都系讲thank you. thank you.之后攞张单o黎,呵呵呵.
佢o地明赶客,但又唔系用好差o既态度,搅到服务呢栏唔知点畀分.
呢餐$649.00
张贴
