江川壽司 (已結業)

好开心星期日被抽中免费试食江川寿司，当日同另外多位Open Rice会员第一次相聚，大家交换饮食心得，气氛极度融洽！当然最重要任务就系试食完之后，能够为食店提供中肯意见。自问唔系食家，对食物评价只系凭最直接感觉，希望以下意见对大家有参考作用！香芒蟹籽沙律 – 感觉好寡，应该加多啲沙律酱，将茫果捞落沙律度，口感应该更好海胆剌身 – 食店提供寿司饭同埋菜等我哋自已包嚟食，海胆几新鲜，紫菜好脆三文鱼刺身 – 感觉一般右口鱼刺身 – 呢个好特别，唔知同左口鱼有冇亲戚关系。食落口感几好，点加咗柚子嘅酱汁，感觉好清新！江川刺身盛 – 刺身包括八爪鱼，海胆，赤贝，油金鱼..等等，啲剌身几新鲜江川金龙卷 – 呢个系我当日最欣赏嘅菜式，系用茫果同埋牛油果卷住寿司饭同剌身虾，咬落甜甜酸酸，啲虾好爽塩烧牡丹虾 – 只虾搣咗壳后得噃好细只，虾肉无唛味，不过虾头就好甘香！特大带子寿司 – 啲带子真系超大同埋几新鲜，但系有啲漏嘅感觉，都系小食多滋味5A和牛寿司 – 始终唔系好惯食生牛肉，如果可以略炙一下，感觉会好啲，而且亦无入口即溶嘅感觉江川味上之吞拿鱼寿司 – 唔太欣赏，首先啲色泽好似好”人造”，而味道亦唔吸引