Grove (始創中心)

营业中

休息中

今日有幸被邀请黎Grove试食，印象中Grove比较多轻食，食dinner真系第一次。呢度嘅set dinner同一般cafe差唔多，价钱都几平民嘅，拣好食物就可以去counter叫。虽然唔收service charge，但系staff都会送餐嘅。不过送餐嘅准确度就争啲啦，我哋都未叫野食就送咗两件cake过嚟，之后又送咗我哋冇叫嘅野飮😂等野食嘅时候周围望下，间餐厅座位唔多，一般都系二人位，不过都算企理既。有样嘢要赞赞，佢既水唔单只加左柠檬，仲仲加左青瓜丝同薄荷叶，饮起上黎非常清新👍🏽讲下啲食物先，个意粉煮得唔错，软硬度适中，个sauce食落干爽，一啲都唔漏，亦唔多油。牛扒我地叫左5成熟，都算juicy,系有啲筋，我地反而比较钟意食佢既配菜，薯仔好惹味，蘑菇好鲜甜。餐包埋野饮 - 柠檬柚子其实食物质素系唔差既，不过份量就比较少，我地食完都得5成饱。好在我地叫埋蛋糕，食完先觉得差唔多👻甜品我地叫左朱古力蛋糕同柠檬批，估唔到around 30蚊既蛋糕有埋咁靓既摆盘，诚意值得一赞。朱古力蛋糕味道够晒浓，中间既脆脆令佢更有口感。柠檬批个皮做得厚左啲，令到柠檬味唔够突出。