trattoria NOBILDUCA (已結業)

多得openrice呢个慢拿意菜学堂，得以同各食友再众去到目的地NOBILDUCA，冇想像中的华丽，但尚算雅致舒服好，讲返正题，食D咩？软芝士配风干牛肉未听过，食落口先有牛肉香，入面软软，好得意凡立贝配椰菜花蓉凡立贝算鲜，但味道不特别，惊喜于个椰菜花蓉，细滑到好似薯蓉咁啊意大利菜汤呢个真系麻麻，多豆但唔够浓香，经理解释好多豆系风味ND蒜香意粉呢个真系好意式，冇配料，食蒜香，食意粉口感，厨师技巧好，有风味，但食完D蒜味会劲到口好臭牛肝菌鸭肉酱意大利饭呢个呢讲牛肝菌真系正，好厚身。但啲意大利饭就唔系我杯茶，少失落。烟挪威三文鱼呢个全场最爱，开头以为系食开𠮶啲好薄嘅超市烟三文，但原来系好厚身嘅三文鱼扒，成件扒好有油香，一啲都唔嚡，味道偏淡，更突出咗个烟熏效果。另外，伴碟𠮶几粒石榴好靓，有心思，清甜嘅味道同呢道菜好夹。澳洲羊扒配松子仁及烧蒜讲真唔系真系好食得出羊味，但系厨师真系煮得好，个肉汁锁得住，嫩嫩香香咁，有乜办法唔enjoy﹖酸忌廉香蕉新鲜感嘅配搭，但未算好美味，好似个酸忌廉水准未及咁。