Orange Elephant Thai Restaurant (利奧坊) (已結業)

由博文街搬左去利奥坊一段日子，终于有时间黎食，新舖光猛阔落几好坐。餐厅工作既好似都系泰国人，识讲广东话，但见佢地自己沟通会讲泰文，感觉好正宗泰式风味。① 冬阴功汤（小）$95份量够二至四位用，有几只爽口大虾，大量草菇，车厘茄，好足料。我钟意呢个味道，惹味开胃，不过朋友觉得有点太辣。② 泰式卤水猪脾焗粉丝煲 $114满满既粉丝煲，拨开粉丝摷下就见到下层有好多猪脾肉，卤得好入味，将粉丝捞埋煲底个卤水汁劲好味！猪脾个皮好滑，入口溶化，不过肉质就略嫌唔够嫩。③ 咖喱海鲜脆包盅 $155以往食开面包盅感觉个面包只系个盛载咖喱既容器，呢度个包唔系硬身果种，反而软绵索汁，外层仲有少少脆口。而个咖喱汁绝对满到泻，而且落左蛋花去煮，杰身得黎口感丰富，味道唔会太辣但好香。海鲜亦好多料，有青口，鱼柳，鲜鱿，大虾等等，仲要大大件，唔系切粒果种。④ 冻泰式奶茶 $32本身想饮芒果狂热特饮点知无，叫左杯泰式奶茶，唔会太甜，比较适合香港人口味。呢度食物好味之外，碟碟份量都偏大，绝对适合一班人开心Share，咁先食到多啲款。