店員先上菊花龍眼杞子茶，唔單止睇落好靚仲好健康喔！前菜有蜆肉豆瓣醬芽菜、花生和醃蘿蔔。蜆肉芽菜好特別又好味。
基圍蝦和花甲都好新鮮，點豉油食，可提升鮮味而且又唔咸。店員介紹話係佢地自家製的，仲一路serve我地，保證食物質素和準確時間。值得嘉許！
食下肉先，美國頂級西冷牛扒，5成熟，好juicy呀，牛肉帶少許肥膏食先至美味！
薑葱龍躉魚腩真係超滑，時間好重要，仲好like佢個魚皮，好膠質，要吸collagen！
Super大隻波士頓龍蝦，D膏爆晒出黎，好fresh!龍蝦都係要蒸先食到個鮮味！店員仲好貼心幫你卜開D穀，容易食到蟹鉗肉！
唔好睇手打鮮蝦滑和手打墨魚滑咁簡單，真係好膠好彈牙！另日本宮崎豬梅頭肉肉質鮮嫩，原來蒸都幾好食喎！
聖子皇好爽口。
極力推介呢個元貝皇連裙邊，點解可以蒸出咁鮮甜嘅湯水？！超好飲！元貝肉好滑，一D都冇老到。
上大盤野！有紅棗蟲草花冬菇蒸雞，好滑又入味，仲有韮菜餃和時令蔬菜。顏色繽紛，真係有七種蔬菜，有菜心、菇、秋葵、翠肉瓜、紅椒、粟米、南瓜，超級健康！有surprise，冇諗過蒸紅椒都可以咁yummy!
食到最底層lu。有南瓜粟米排骨粥+海鮮精華，好粥底好綿，湯好鮮甜，正！
Lastly，有桃膠木瓜雪耳糖水，為好滋潤，整個海鮮餐劃上完美句號！
