Cafe Charm's (已結業)

今晚同老公睇完戏, 佢话黄埔开左间新café格调优雅我应该会钟意, 一入门口就见到几张大梳发刚好有位可以坐低, 跟住有个侍应走过黎问我地枱面枝水要唔要转暧水, 可能佢见出面落紧毛毛雨又凉凉地, 谂我地想饮暖水^^, 好细心. 跟住我地将把缩骨伞放左下地下, 佢有好有礼貌话帮我地放下伞架. 睇得出呢间café好照顾客人既须要.老公order左个卡邦尼意粉+鸡扒饮抺茶红豆牛奶, 我就食明太子烟肉忌廉意粉同饮玫瑰花茶. 我碟意粉捞均后好入味, d忌廉黏住d意粉, 唔会水汪汪甘, 仲有好多我钟意既紫菜同木鱼^^ 系d烟肉就细块d. 跟住我紧系试埋老公碟鸡扒卡邦尼意粉比较下啦! 意粉同我碟一样都好creamy, 而喜出望外系件鸡扒成寸厚切落去仲有肉汁, 食落d肉又好滑, 层皮脆脆地好香. ^^食左个餐老公话想试埋个waffle, 跟住我地问个侍应有无推介, 个侍应话第一次食可以试下Strawberry味, 甘我地就边叹花茶同抺茶红豆牛奶边等, 老公话杯抺茶红豆系绝配好好饮, 我当然即刻饮啖试下啦, 味道几清新, 唔错播. 等左一阵个waffle黎啦! 卖相好吸引, 紧系相机食先la, 其实我地刚