影片
更多
2017-02-17
822 浏览
嚟到油麻地地铁站附近嘅誉发广场五楼新开冇耐嘅EAT ME Bar & Restaurant,lift门一打开就系餐厅.餐厅嘅面积唔细,装修系工业风路线.场中间仲有个特大投影屏幕,当日仲不断播住K-POP MV.其中两面系落地玻璃窗,当中仲有一列吧台位.虽然系楼望楼景,不过距离都几远,日头嚟都几开扬舒服.以油尖旺区嚟讲,午餐嘅定价算平,晌四十五至六十蚊不等,未知系唔系新张营业嘅关系,午市时段仲不设加一,同同类型餐厅相比,可谓抵食.餐厅仲有款名为白雪公主嘅特饮,好似好得意,其他特饮嘅配搭亦唔太常见.呢日想食清少少,于是试咗烟三文鱼带子沙律.烟三文鱼卷成玫瑰花形,卖相好靓,质感软绵,咸味系偏向较清嘅𠮶种.带子的的骰骰,咬起嚟弹牙唔韧.杂菜沙律入面有菊苣同紫生菜等等,用咗油醋调味,食落酸香爽脆.食到尾声先发现原来碟上面印咗云石图案,又几靓㖞!好多款饮品都想试,最后就拣咗个配搭比较轻巧嘅玫瑰苹果醋,晌侧面睇系渐变嘅红色,杯底仲有粒干玫瑰花,饮落系淡淡嘅甜,都几清新.对餐厅嘅是日甜品雪糕球几有兴趣,于是叫嚟试试.呢日嘅雪糕系芒果口味,用咗白、浅黄、浅粉红同粉红色嘅超迷你棉花糖点缀,同埋用缩小版平底
嚟到油麻地地铁站附近嘅誉发广场五楼新开冇耐嘅EAT ME Bar & Restaurant,lift门一打开就系餐厅.
餐厅嘅面积唔细,装修系工业风路线.场中间仲有个特大投影屏幕,当日仲不断播住K-POP MV.
其中两面系落地玻璃窗,当中仲有一列吧台位.
虽然系楼望楼景,不过距离都几远,日头嚟都几开扬舒服.
以油尖旺区嚟讲,午餐嘅定价算平,晌四十五至六十蚊不等,未知系唔系新张营业嘅关系,午市时段仲不设加一,同同类型餐厅相比,可谓抵食.
餐厅仲有款名为白雪公主嘅特饮,好似好得意,其他特饮嘅配搭亦唔太常见.
呢日想食清少少,于是试咗烟三文鱼带子沙律.
烟三文鱼带子沙律
11 浏览
0 赞好
0 留言
食到尾声先发现原来碟上面印咗云石图案,又几靓㖞!
好多款饮品都想试,最后就拣咗个配搭比较轻巧嘅玫瑰苹果醋,晌侧面睇系渐变嘅红色,杯底仲有粒干玫瑰花,饮落系淡淡嘅甜,都几清新.
对餐厅嘅是日甜品雪糕球几有兴趣,于是叫嚟试试.呢日嘅雪糕系芒果口味,用咗白、浅黄、浅粉红同粉红色嘅超迷你棉花糖点缀,同埋用缩小版平底镬咁嘅器皿上碟,讲真系有啲预期之外.雪糕食落烟韧而有微微黏性,当中仲有少少挺身嘅芒果肉,我觉得质感有啲似gelato.虽然芒果味轻,但甜度唔高,感觉唔错.呢日日头嚟印象良好,揾日夜晚同朋友再嚟试试晚餐先得!
张贴
