六十年代

营业中

休息中

今日起身超肚饿，贪快同唔洗自己煮就打左个电话落去六十叫左个早餐G。早餐G原本系蕃茄杂菜扭扭粉，可以自己拣两个𩠌或者一个肉，咁我就要左猪扒一个𩠌。而原本既扭扭粉我都加$5将佢转左做乌冬，因为我个人比较中意食乌冬。另外叫左杯冻柠茶添。叫好之后我就去换衫刷牙，时间过左大约15-20分钟，我就落去拎外卖。落到去比好钱就已经有得拎啦，十分悭时间同方便，岩晒我呢啲懒人。猪扒同乌冬系另外上既，食个阵就自己将面倒落汤底度，咁猪扒同乌冬就唔怕因为外卖等侯时间变到腍晒啦。汤底系蕃茄杂菜，里面有薯仔，洋葱，萝卜同蕃茄，十分开胃，食到我要饮埋个汤底先得。食到咁上下口渴，饮埋个冻柠茶就岩岩好啦，柠茶甜酸度啱啱好，所以我每次都会叫冻柠茶饮。价钱方面都几抵食，因为外卖自取系有9折，所以我个早餐只系$38。