河內越式料理 (西洋菜南街)

营业中

休息中

收工买埋外卖番屋企食，天气又热又焗，特登揾附近越南餐厅，想食捞檬。我之前未食过呢间河内越式料理。好特别嘅系呢一间竟然有素菜，平时都好少见，今次就嗌咗素春卷捞檬$66，加小食香茅鸡翼$23，同埋唔少得嘅涷饮青柠梳打$10。个素春卷内馅丰富，有粉丝，萝卜丝，木耳丝，口感丰富，春卷皮炸得脆香，卜卜脆。檬粉嘅份量合适，另外仲有有萝卜丝同青瓜丝，如果多啲花生就好。另外我好钟意捞檬酱汁，酸酸甜甜，食完好开胃。小食嘅香茅鸡翼，$23有两只鸡翼，亦都煎得好香，食到香茅味。整体嚟讲，嘢食几好食，下次有机会试堂食。