明記海鮮潮州菜館 (天保大廈)

营业中

休息中

今晚约咗个赌马儿情嘅朋友喺荃湾食饭，所以揾间有电视睇吓马仔，吹吓水嘅地方，荃湾鲎地坊嘅「明记海鲜潮州菜馆」打冷就系好选择，餐厅有好多大电视，钟意睇住电视送饭嘅，啱晒。每晚开到零晨三点，啱哂猫头鹰一族 餐厅有打冷专区，可以亲自出去点选,都几多选择，不过今晚我哋主打食黄酒鸡。客家黄酒鸡煲先放低一个Gas炉，等咗一阵，香浓酒味嘅鸡煲就马上送到。除咗黄酒之外，仲有其他药材，感觉相当补身。鸡件份量都几多，唔知系咪黄酒关系，肉质份外清甜和嫩滑。饮咗几碗汤之后，成个人都暖咗。沙拉虾球每一只虾球嘅外层都包围着沙律酱，虾球够大只，而且份量很多，性价比极高。食落肉质够弹牙，沙律酱带出了虾嘅鲜味，绝对没有雪藏虾嘅味道。劲大柠檬茶真系大柠茶，足足有成1000 mL，足够两个人嘅份量，真系超抵饮。