HIPOT (已結業)

今餐无乜点影相，因为实在太攰，而Hipot真系无谂过写，所以无乜影！一行十人响观塘工厂区，玩完逃出密室（成功逃出！Yeah!），见到条街好多好吸引的传单,我地“贡”左上去工厂睇，越睇越多间，我地扫左两层店呢！ 今晚有点冻冻的，大家一致的要去打边炉！观塘区真系唔熟，openrice底下，search apm,search到两间，我地拣左Hipot.原来呢间无任食嫁㖞！但呢间野啲火㶽配料平到笑，尤其系菜类，几款都系十八蚊！汤底又只系三十蚊wow...肉类（猪，牛，羊）都切得好薄，我地每次都要夹两三片落先得，如果唔系唔觉食紧肉咁T_T.我啲朋友最钟意佢个鱼面，因为佢地觉得份外弹牙（但我本人无咁嘅感觉）。而我地比较一致既，系佢杯椰汁沙冰，椰味香浓做成沙冰，有凉凉的绵绵感，食火㶽时饮又唔感好冻，好味之余又爽！我无就住叫，饮品糖水任酙，坐得舒服食得饱足，每人都系$104.超抵！