Al Molo Ristorante Italiano (已結業)

放假去尖沙咀行街街，喺海运拣左一阵，决定再次帮衬这间餐厅，贪佢有个Semi-buffet，满足下为食嘅欲望。餐厅侍应都唔算少，但系服务质素一般，有点失望。我哋叫咗两个主菜，一个系黑松露宽条面，一个系煎猪扒。因为有小朋友嘅关系，先至会选择猪扒，本来冇乜期望，点知味道有意外惊喜，又香又软又林，仲好入味，小朋友食到唔停口！黑松露宽条面就普普通通，我觉得佢好油，食咗两啖就无食啦。自助餐嘅选择，都有两款火腿，唔同种类嘅蔬果，甜品，汤。我食咗佢两件朱古力蛋糕，其实已经饱咗，估唔到佢嘅曲奇饼都几出色，又食咗几件，小朋友就好钟意饮佢个南瓜汤，食自助餐嘅嘢，就系各有各选择，满足每一个人个胃。