匠工房秀吉 (已結業)

今晚系间房到忙到踢晒脚既时候，同房竟然买左大判烧番尼俾我做宵夜，真系好开心呀！！衣间野既炒面同小丸子就食得多，大判烧真系未试过，今次同房仲要买左红豆同吉士两只味番尼。先试吉士果款，大判烧食落时仲系暖暖地，馅都几多，吉士甜甜地但质感同平时食果啲有啲唔同，唔算好滑。身为红豆迷既我梗系要将好野放系后头啦，红豆馅好足料，甜度适中，作为宵夜真系好满足！