至尊重慶雞煲 (創興廣場)

营业中

休息中

今晚放工去旺角， 晨早book咗18楼重庆鸡煲，好耐冇食好想食鸡煲同打边炉 ，地下楼下等Lift 排长龙重庆鸡煲小辣，因中辣一般人顶唔顺，除了四川重庆人食惯辣，好彩侍应哥哥详细解释我听， 佢哋服务真系几贴心😚惊我顶唔顺 讲番个鸡煲，卖相几吸引放了芹菜芫茜，还有大量洋葱，爆香入锅连酱汁煮鸡，鸡肉好嫩滑鲜甜 ，品质新鲜有鸡味，辣味道刚刚好，正呀！ 我哋好快食完鸡肉。加水打边炉，第二轮叫了火锅配料，有美国肥牛，黑豚腩片，花胶，鲩鱼骨腩，鲩鱼片，鲜鹅肠，猪肚片，淮阳冻豆腐，样样叫少少食， 炸鱼皮好大碟呀， 新鲜够脆，烚一阵就食得。爽滑鱼片头，够鲜甜，正呀!皇廷贡丸，平时好钟意食，好香有菇味。鸡子新鲜。蒜汁花枝丸，虽然冇乜蒜蓉味但系入口弹牙，啖啖墨鱼嘅鲜甜味都唔错韩国年糕，滚完之后一条条直纹，唔知点解呢？ 不过入口烟韧几好食。青口几大只。劲多选择的饮品我食鸡煲配啤酒美国肥牛，黑豚腩片，鲩鱼骨腩牛柏叶，生肠，鲜鹅肠，猪肚片我点左很多蔬菜，例如有: 超甜粟米，通菜，油麦菜，唐生菜，白菜仔。全部都新鲜配料，用心十足最尾叫埋羊肉，新鲜冇稣味，试埋我的最爱先，肥牛实在太爱吃，我共点了3次。