影片
更多
2012-04-30
88 浏览
香港这几天都落著滂沱大雨，边度都唔想去，不过讲到食品香楼，再预订埋手撕鸡，真系大一大雨都要去！ 对上一次食都己经讲紧成半年前，仲好挂住佢D手撕鸡同埋热炒！来到南山村既户外大排档，行过少少既平台就系品香楼。宜家扩充到本店以外，隔离黄色舖都系佢既分店，虽然舖位宜家大左好多，但系唔订枱都真系排等。今次除左手撕鸡，仲叫左黄金虾、赛螃蟹、西兰花炒斑块、椒盐豆腐同埋黑椒牛柳粒。上菜速度好快，大约十五分钟就上晒枱，除左黄金虾同冻食既手撕鸡，其他都热辣辣！好似豆卜咁，外皮脆，多汁，细细件，少少辣，不过多汁，香口，拌饭𩠌酒都好正。黄金虾系我个人好钟意既菜式，所以要求都几高，呢度既黄金虾上菜时己经唔系好热，无左蛋黄既香气，加上虾过油过得唔够已经唔脆，所以唔可以连瞉食，幸好是油不多，食落唔会太过油腻，内里既虾都几大只，食落口感唔错，唔会干。不过讲到尾，呢味𩠌最好都系葵通金潮系最好，瞉都食埋！谂起都想食！西兰花出奇地唔多油，一般西兰花会吸唔少油，但系呢个算好清爽；斑块有返咁上下厚度，而且肉一D都唔松散，好似新鲜拆出来咁，当然唔会好似蒸出来个D咁滑，但系都唔会食到雪藏味，正！上枱既时候，呀姨会帮佢喺个底度点火，
今次除左手撕鸡，仲叫左黄金虾、赛螃蟹、西兰花炒斑块、椒盐豆腐同埋黑椒牛柳粒。
上菜速度好快，大约十五分钟就上晒枱，除左黄金虾同冻食既手撕鸡，其他都热辣辣！
好似豆卜咁，外皮脆，多汁，细细件，少少辣，不过多汁，香口，拌饭𩠌酒都好正。
黄金虾系我个人好钟意既菜式，所以要求都几高，呢度既黄金虾上菜时己经唔系好热，无左蛋黄既香气，加上虾过油过得唔够已经唔脆，所以唔可以连瞉食，幸好是油不多，食落唔会太过油腻，内里既虾都几大只，食落口感唔错，唔会干。不过讲到尾，呢味𩠌最好都系葵通金潮系最好，瞉都食埋！谂起都想食！
西兰花出奇地唔多油，一般西兰花会吸唔少油，但系呢个算好清爽；斑块有返咁上下厚度，而且肉一D都唔松散，好似新鲜拆出来咁，当然唔会好似蒸出来个D咁滑，但系都唔会食到雪藏味，正！
上枱既时候，呀姨会帮佢喺个底度点火，卖相一流，仲可以收干D汁！不过底部既洋䓤全部都系生既，所以唔食得，牛肉粒有D唔够腍。但系味道好够，黑椒味够浓，肉汁亦能够保持喺里面。
正！赛螃蟹本身系蛋白，但系佢加入左唔少蟹肉同埋带子，口感丰富，而且非常大碟，虽然系比较油，但系食落味道刚好，唔会太咸，亦唔会口干，一定会ENCORE！
主菜上场，好大碟！厨师拆晒所有肉落来，加埋特制既汁伴好，加上黑芝麻上碟，冻食好清爽，而且D鸡丝好滑，即使唔系鸡脾部份，都系好滑，同埋入味，带有少少麻油香，正！钟意既可以加埋沙茶酱食，又另一番味道。仲可以饮多杯冻朱古力！肥仔又满足既一餐！
题外话/补充资料：
要食手撕鸡一定要订，每日大约得廿只。
(以上食记乃用户个人意见 , 并不代表OpenRice之观点。)
张贴
