牛川日本和牛專門店 (已結業)

相信大家最近都会衬机会食好啲，朋友都有这个想法，于是相约去新餐厅开餐食烧肉！ #牛川日本和牛专门店提供烧肉 ，环境都舒适，而店员态度都好友善，叫套餐仲会附送前菜、沙律和饭，够哂饱肚！◽️ 美国安格斯烤肉Set C $128有一口牛、牛颈脊、牛五花、牛肋肉及西施扒，牛味浓郁，一次过可以食哂唔同部位，有选择困难症的话不如叫套餐，保证满意！◽ 日本A5黑毛和牛烤肉Set B $268见到有和牛当然食埋啦！有牛三角、牛五花和外腹肉，油分会更丰富，烧至转色就食得，配一口饭吃更滋味。◽ 美国安格斯牛肋肉 50g $32以为50g好少，原来都有成4块，烧一烧就闻到肉香，烧至自己喜欢的熟度就食得。◽ 甲罗烧 $48特别喜欢吃甲罗烧，所以见字即叫！蟹盖盛载著蟹膏、蟹籽、鹌春蛋及蟹柳丝，捞匀后烧热食得，蟹籽为咸香蟹膏增加口感，拌饭一流。◽ 烧蚝 $12@蚝都算胀卜卜，有蚝味。◽ 烧三文鱼头 $68
睇落份量都几大，鱼皮烧至香脆，鱼肉带有油香，钟意食烧鱼的话一定满意！食物以外，只要加$4-$8就可以饮茶、汽水、啤酒等等，而雪糕都好抵食，只要加$12就食到Movenpick，点可以唔叫呀？餐牌参考～～～