台灣郎 (已結業)

Hey ,开餐啦。今日朋友带我天后食台湾嘢....好肚饿呀，我要大开”食“戒…一坐低就比店入面个装修吸引，以木色做主调配上黄灯给人好warm既感觉，怀旧灯饰，公鸡碗，让我有置身70年代阿爷啊嫲既feel...食嘢由清淡食起，叫个清汤新竹米粉先。新竹米出名好食，口感比普通米粉爽弹配任何汤底都好入味。配菜有香菇味浓郁贡丸，弹牙鲜甜墨鱼丸，还有令人惊艳的香滑猪肉丸，弹牙得来又软绵，配上爽身生菜。呢碗米粉我尝到妈妈的味道~如果再加多一羹既干蒜油...会更好！hehe~食台湾嘢，又点少得肉燥饭，香喷喷的肉燥混合肥肥白白珍珠米，捞均，配上腌萝卜。夹埋旧卤蛋一啖塞入口，oh~舌头恋爱了…多d腌萝卜，咁就更完美啦！！再来蚵仔煎，新鲜蚵仔混合葱粒，煎到脆一脆，面头加粒蛋，食到海鲜的甜有食到葱既香，点辣酱，若可以加小小九层塔点缀下，咁就完全食到士林夜市地道的味道，正！另外都叫左个避风塘炒时蔬，还有我挚爱：古早味三杯鸡，鸡肉滑嫩，用姜，蒜炒，再配上八角同其他香料，辅以红萝卜焖到霖一霖，送饭一流!餐饮就一定系珍珠奶茶la，浓郁奶香同茶味，无叫少甜，甜度刚刚好。我饮晒~老友就叫左杯姜茶，喜欢姜味浓既朋友一定要试