影片
更多
2017-06-25
1027 浏览
接触葡国菜既机会5只手指数得晒, 通常都系过澳门玩时"顺便"食埋, 仿佛咁先似过过大海呢间新开既葡国菜餐厅位于大型商场内, 位置非常方便, 望到咁Sharp醒既鸡就知系呢度啦! 此店原来前身系札根于西贡, 今次落户系九龙旺区, 想食葡菜就方便得多内里装修以浅木色为主调, 配以浅蓝色梳化, 加上灯光柔和, 播住轻快既葡萄牙音乐, 比人一种无拘束感觉, 适合家庭及朋友开餐畅聚一番呢度比较特别少少, 门口特设小型枱椅, 亦都留意到坐垫特别选用颜色比较缤纷既, 原来呢度系比客人食下午茶/甜品区每日专业甜品师都会精心造出不同种类糕饼/甜品, 即使你每日帮衬都会揾到新鲜感, 仲有咖啡供应, 系呢度食件饼, 享受杯咖啡都系一件赏心乐事!呢到供应酒类, 有特式葡国啤酒, 要对抗闷热既天气, 呢杯Sangrita就帮到手, 呷一口体内暑气全消, Cheers ..............打开餐牌, 食物种类包括风味小食, 餐汤, 沙律, 各式三文治, 意粉, 主菜及甜品, 价钱望落合理!晚市时间, 餐厅会每人送客猪仔脆包, 热辣辣自家制架, 比起外边买到既内里包芯食落有烟韧感, 外皮香脆, 你睇下我只
呢间新开既葡国菜餐厅位于大型商场内, 位置非常方便, 望到咁Sharp醒既鸡就知系呢度啦!
此店原来前身系札根于西贡, 今次落户系九龙旺区, 想食葡菜就方便得多
内里装修以浅木色为主调, 配以浅蓝色梳化, 加上灯光柔和, 播住轻快既葡萄牙音乐, 比人一种无拘束感觉, 适合家庭及朋友开餐畅聚一番
呢度比较特别少少, 门口特设小型枱椅, 亦都留意到坐垫特别选用颜色比较缤纷既, 原来呢度系比客人食下午茶/甜品区
每日专业甜品师都会精心造出不同种类糕饼/甜品, 即使你每日帮衬都会揾到新鲜感, 仲有咖啡供应, 系呢度食件饼, 享受杯咖啡都系一件赏心乐事!
呢到供应酒类, 有特式葡国啤酒, 要对抗闷热既天气, 呢杯Sangrita就帮到手, 呷一口体内暑气全消, Cheers ..............
打开餐牌, 食物种类包括风味小食, 餐汤, 沙律, 各式三文治, 意粉, 主菜及甜品, 价钱望落合理!
晚市时间, 餐厅会每人送客猪仔脆包, 热辣辣自家制架, 比起外边买到既内里包芯食落有烟韧感, 外皮香脆, 你睇下我只餐碟上既碎块就知有几脆!
猪仔脆包
28 浏览
1 赞好
0 留言
既然有猪仔脆包, 就叫个葡式薯仔花菜汤黎伴食, 选用葡式马铃薯及葡国腊肠, 真材实料, 不加味精, 奶及面粉, 只饮到香浓薯仔味, 而咸味就靠葡国肠"输出", 质感浓稠, 饮完呢个都半饱! 真系由三至八十岁都岩饮! 哈..哈.............
25 浏览
0 赞好
0 留言
或许好多人觉得沙律系件好易整既食物, 但要计算食物既配搭及酱汁既运用都要下一番功夫, 呢客啤梨番石榴沙律, 甜美爽口既番石榴及香甜啤梨混合系清新沙律菜上, 两者散发著独有果香味, 再淋上啤梨醋酱汁, 配搭特别, 味道甜中带少少酸, 非常开胃, 坊间唔常食到!
啤梨番石榴沙律
36 浏览
0 赞好
0 留言
传统葡式拼盘 (二人份量), 包括葡式香肠, 传统马介休球, 酥炸鱿鱼件, 香脆炸鸡粒, 大部份系脆口野, 用黎送酒就最岩; 初试葡式香肠几香肉味, 外观同中国腊肠有D相似, 但口感较腍身; 另外个马介休球味道调教得唔会过咸, 外香内有食薯蓉既质感!
葡式拼盘
30 浏览
0 赞好
0 留言
沙甸鱼就食得多, 尤其系罐头果只, 但原条烧仲要咁大条既沙甸鱼就真系第一次食, 货源黎自葡国, 以传统方法烧烤, 保证原汁原味! 鱼烧至皮香肉嫩, 只需系头及尾位上界一刀, 然后再系鱼身中间界一刀就可以轻易起出鱼肉! 咪讲笑, 切开时D鱼香味更加"扩散", 我谂用手揸住原条食应该仲滋味, 下次试下咁食先!
传统烤沙甸鱼
27 浏览
0 赞好
0 留言
27 浏览
0 赞好
0 留言
以6个钟慢煮而成既红酒烩牛尾(配白饭), 旧牛尾焾到可以骨肉分离, 无需同旧牛尾"博斗", 肉质香腍又入味, 一客都有4-5旧牛尾, 配以红萝卜西芹块, 令酱汁酸中带甜, 用黎捞饭就正配! 超好味!
红酒烩牛尾
30 浏览
0 赞好
0 留言
64 浏览
1 赞好
0 留言
黎食葡国菜, 又点可以唔叫葡式烧乳猪 (1/4 客), 伴以沙律菜及肥佬炒饭, 咩系肥佬炒饭?! 呢个饭原来系葡国人圣诞节先会食, 材料有提子干及彩椒粒, 味道有D似西炒饭! 讲返主角先, 乳猪皮烧到脆夹香, 带点诱人既油光但食起上黎又唔会好油腻! 皮下已经系肉, 唔带多余肥膏, 肉质非常嫩滑, 只需用餐刀轻轻一切已可"片"出肉来, 果然系招牌菜!
葡式烧乳猪
91 浏览
1 赞好
0 留言
47 浏览
0 赞好
0 留言
45 浏览
1 赞好
0 留言
呢度有个专业甜品师驻场, 每日新鲜研制不同甜品/糕饼类, 以下呢两款系佢既推介: 酥皮芒果卷, 造型似一个软皮钱袋, 以牛油味几重既酥皮包住香甜芒果粒, 再加上围边既自家制香滑忌廉酱, 我口里说......哇....肥死呀! 但身体却很诚实, 只叉不断将甜品送入口中, 不消10分钟已经完全KO! (内疚MODE启动中.........................)
酥皮芒果卷
38 浏览
1 赞好
0 留言
说时迟那时快, 呢客葡式西多士亦送上枱啦, 以牛奶浸满面包先再炸, 呢个功序除左增加香滑感仲可以减少面包索油, 所以食黎黎完全唔觉得油腻, 外面洒上庶糖及玉桂粉, 邪恶程度再爆灯D!
52 浏览
0 赞好
0 留言
呢餐应该都系我系香港第一餐食既正宗葡国菜, 有D菜式仲系出自家传食谱, 保证你系出面食唔到, 食得超满足!
张贴
