影片
更多
2015-12-27
934 浏览
讲到近期最人气蛋糕店，相信非Black as Chocolate莫属，我都唔执输，今日同屋企人开圣诞party，咋咋林去买番个同最锡𠮶几个一齐分享。九龙城店位于衙前围道既街角，店子小小，早已经被逼爆，我本住为食无惧既精神，钻钻钻入去，以极速讲出我既目标：焦糖香蕉朱古力蛋糕！好彩呢度既店员都唔少，而且勤快有礼，好快就帮我将蛋糕拎出黎，而且仲用粗丝带帮我包装添！丝带有黄色、红色、紫色可以拣，我本来拣左黄色，后来谂谂下又觉得紫色grand啲，店员完全无托手踭，虽然店入面好多客人，但仍然都笑意盈盈咁帮我重新绑过，唔该晒呀，包完真系超靓！行到出门口，100对眼望住我盒蛋糕，仲有婆婆走埋黎问我个蛋糕几重添，睇黎好有兴趣㖞！返屋企打开蛋糕，好靓呀，屋企人都好开心。蛋糕面层系一圈焦糖，同埋厚厚既朱古力酱；切开，系层层相隔既朱古力蛋糕同香蕉。睇番Catalogue介绍，呢个蛋糕既材料好丰富，有牛奶、比利时朱古力、面粉、焦糖、香蕉、朱古力粉、鸡蛋同糖。而每个焦糖香蕉朱古力蛋糕会用上大约两条香蕉，其膳食纤维相当于一碗椰菜花。见到咁健康，罪恶感马上减低！讲到蛋糕既味道，面层既朱古力酱非常浓厚幼滑，口感丰盈，可
九龙城店位于衙前围道既街角，店子小小，早已经被逼爆，我本住为食无惧既精神，钻钻钻入去，以极速讲出我既目标：焦糖香蕉朱古力蛋糕！
好彩呢度既店员都唔少，而且勤快有礼，好快就帮我将蛋糕拎出黎，而且仲用粗丝带帮我包装添！丝带有黄色、红色、紫色可以拣，我本来拣左黄色，后来谂谂下又觉得紫色grand啲，店员完全无托手踭，虽然店入面好多客人，但仍然都笑意盈盈咁帮我重新绑过，唔该晒呀，包完真系超靓！行到出门口，100对眼望住我盒蛋糕，仲有婆婆走埋黎问我个蛋糕几重添，睇黎好有兴趣㖞！
返屋企打开蛋糕，好靓呀，屋企人都好开心。蛋糕面层系一圈焦糖，同埋厚厚既朱古力酱；切开，系层层相隔既朱古力蛋糕同香蕉。睇番Catalogue介绍，呢个蛋糕既材料好丰富，有牛奶、比利时朱古力、面粉、焦糖、香蕉、朱古力粉、鸡蛋同糖。而每个焦糖香蕉朱古力蛋糕会用上大约两条香蕉，其膳食纤维相当于一碗椰菜花。见到咁健康，罪恶感马上减低！
讲到蛋糕既味道，面层既朱古力酱非常浓厚幼滑，口感丰盈，可以话系抢晒焦糖既味道，比利时朱古力果然不同凡响！入面既朱古力蛋糕好实净，唔会话得阵风，都几饱肚架，蛋糕同样充满浓浓既朱古力味，坚；香蕉散发天然果香，分量唔少，可以中和番朱古力既甜味，绝配！话咁快，就干掉大半个。姨甥仔个嘴未吞晒，已经想抢定另一块。家姐特登切开一边大一边细，问佢要边边，佢谂都无谂，只手指仔就指住大𠮶边，果然识叹！
顺带一提，Black as Chocolate印既Catalogue都几精美，有齐所有蛋糕款既成分同价钱，食左咩落肚，一目了然，有兴趣可以问店员拎番本。张贴
