Hit the Road (已結業)

难得weekend约左两位闰蜜，几个月冇见实在有好多野想讲。难得揾到呢间楼上稳世cafe，最赞系可以book位唔使等，又唔会赶你走，我地足足坐左3个半钟都冇人打扰。实在唔系咁多cafe做到。黎之前已听闻cafe有几好既评价，食物同环境都完全冇令我失望。我点左柠檬草花茶，味道清香，茶壶同茶杯都几特色。都忍唔住相机食先。朋友点左Hot Latte, 钟意饮咖啡既佢都觉得味道唔错。牛油果三文治，一睇就知系慢功出细货，店主好用心，牛油果同面包都好新鲜，连配搭的南瓜汤也是很用心的。小食并盘好岩一边倾计一边叹。有薯条，蕃薯条同洋葱圈。全部都热辣辣好香脆。羽衣甘蓝蘑大餐厅既水准。本身可以加钱要鸡扒或三文鱼等。我地冇加都已经觉得本身D料好多好够食。店内会有唔同既自家制0既蛋糕同tarts，下次去一定要试。