阿閒泰 (K11購物藝術館)

营业中

休息中

尖沙咀行下街又到K11，次次经过该店都咁多人等位，今次决心试试。店内环境唔错有著田园气息，座位阔落安排大枱坐得舒适。美食以泰西fusion菜都几特别，有好多心水选择。手作猪肉串烧(3串) $88猪肉厚身大粒，好香香茅味，肉烧得唔鞋，啖啖肉好满足，沾上鱼露有另一番风味。脆炸软壳蟹米纸卷配 $118软壳蟹好足料，炸粉适中酥脆口感，调味唔会好咸比较健康。大大件蟹件以烟韧米纸包住，沾上牛油果酱酸酸地几开胃，仲可沾埋蛋黄酱的，令整体味道会更丰富。烤原个椰菜花配青咖哩酱 $78椰菜花原个上真系好大个，青咖哩好有椰香但都几辣下，已烤焗方式食落几爽口。泰式咸蛋黄金单骨鸡翼 $88鸡翼少少脆身，炸得唔油腻，邪恶的咸蛋黄咸香美味，鸡翼单骨食起来几方便，奉上的鱼露唔沾都已经好味。芒果希腊式乳酪软雪糕 $78乳酪雪糕酸酸甜甜好好味，配上芒果酱汁好prefect，有芒果粒、爆珠和粟米片，层次分明口感味道丰富，慢慢享受好正的。