北京樓 (MOKO新世紀廣場)

营业中

休息中

订左位，无人响前门，行入小小有人出黎。但竟然因为后面一位客人话拎外卖，侍应完全无叫我等等，或叫佢等等，就直接招呼佢。印象即刻差左。到佢搞掂个外卖再招呼我既时候。同时候带两个客，唔知佢想我坐边。坐低既时候，有四个餐牌（酒牌、商务午餐、餐牌同埋点心牌）讲真点心选择唔多，大餐牌最吸引既系片皮鸭（$228 仲要两食）但系三个女人仔叫左呢个就食唔到其他野。所以无叫。一坐低就有前菜，佢个大餐牌写得好清楚，几多位会上几多个，又话可以同侍应讲唔要。但见佢都几多野食，等紧人就夹下。好似有小小麻辣既感觉。最终叫左点心，牛柏叶、XO 酱炒肠粉（无乜料，但就够辣）烧卖（唔会觉得太多肥肉，包得几好）大卤面（真系好大碗，有虾，仲要有海参，$55 好抵食）生煎包有四只（多汁到我一咬落去就喷晒d 汁出黎）最尾再加个红枣糕做甜品。呢个红枣糕唔太甜好好味。除左带枱果个侍应好唔得之外。其他既招呼都好好。