影片
更多
2024-02-04
231 浏览
今日去开观塘，返归前去潮叔打个一人边炉先。我地两个人每人叫左个一人火锅（$88），大家share唔同嘅牛肉黎食。麻辣汤：朋友只系食得少辣。我试过个汤，有麻，有辣既味道，香料味够，而且唔会太咸。入边有两旧云耳。蕃茄薯仔汤：有两旧蕃茄同两旧薯仔。汤底清清地，冇落味精。我打完边炉之后，饮晒全部汤。匙仁：牛肉味重，冇肥肉。啱晒瘦身人士。因为佢切得够薄，渌几秒等牛肉熟之后，都好容易咬开。吊龙：佢每一旧都黐住少少肥肉，所以食到牛肉味之余，仲有一阵油香味，肉质嫩滑。五宝丸：有鱼蛋，猪肉丸，鱼皮饺，牛丸同埋猪肉饼各一粒。各种丸都好有质素. 鱼蛋弹牙，猪肉丸同埋牛丸都弹牙同juice得来入边有油香. 时令菜蓝:有生菜，莲藕，莴笋，娃娃菜同埋蕃茄。生菜爽脆，莲藕清甜，莴笋爽滑。蟹王面：儿时回忆，每次我见到有都一定会叫。面质爽口。𠮶包油系精髓！乌冬：正常可乐（$8）及手作金橘柠檬百香果（$18）：手作金橘，柠檬百香果，应该冇额外加糖，所以系非常健康嘅饮料。个啤啤樽好得意。如果大家注重牛肉质素，而又想食重牛肉味嘅牛肉。潮叔系一个好选择. 希望大家支持小店！
今日去开观塘，返归前去潮叔打个一人边炉先。
我地两个人每人叫左个一人火锅（$88），大家share唔同嘅牛肉黎食。
麻辣汤：朋友只系食得少辣。我试过个汤，有麻，有辣既味道，香料味够，而且唔会太咸。入边有两旧云耳。
蕃茄薯仔汤：有两旧蕃茄同两旧薯仔。汤底清清地，冇落味精。我打完边炉之后，饮晒全部汤。
匙仁：牛肉味重，冇肥肉。啱晒瘦身人士。因为佢切得够薄，渌几秒等牛肉熟之后，都好容易咬开。
吊龙：佢每一旧都黐住少少肥肉，所以食到牛肉味之余，仲有一阵油香味，肉质嫩滑。
五宝丸：有鱼蛋，猪肉丸，鱼皮饺，牛丸同埋猪肉饼各一粒。各种丸都好有质素. 鱼蛋弹牙，猪肉丸同埋牛丸都弹牙同juice得来入边有油香. 时令菜蓝:有生菜，莲藕，莴笋，娃娃菜同埋蕃茄。生菜爽脆，莲藕清甜，莴笋爽滑。
蟹王面：儿时回忆，每次我见到有都一定会叫。面质爽口。𠮶包油系精髓！
乌冬：正常
可乐（$8）及手作金橘柠檬百香果（$18）：手作金橘，柠檬百香果，应该冇额外加糖，所以系非常健康嘅饮料。个啤啤樽好得意。
如果大家注重牛肉质素，而又想食重牛肉味嘅牛肉。潮叔系一个好选择. 希望大家支持小店！
张贴
