COBALT

营业中

休息中

今日出咗两个月花红，当然要同太太庆祝兼奖励吓自己啦！知道大角咀有间新开西餐厅，顺便试试新口味。餐厅门面用咗我喜欢嘅蓝色，入内有一列整齐嘅酒柜亦系𠮶只蓝色，设计简洁，格外显得高贵优雅。太太钟意食鸡肉，见餐牌上main course有一款系祖传烤鸡，一于试吓。上碟时香喷喷 ，趁热食一流，表皮金黄香脆，鸡肉本身可能用咗独特腌料腌制，食落透出丝丝香草味，里面嘅鸡肉鲜嫩细致，肉质软滑多汁，两人都觉得味道啱啱好，而且份量亦适中。我本人就喜欢香口炸物，紫菜椒盐鱿鱼须就必定唔会错过。薄薄炸浆，令外皮炸得好酥脆，入面嘅鱿鱼须就结实弹牙，配以紫菜加酱汁，一啖一口，极之香口惹味，太太亦食到津津有味。呢餐可谓相当满意，日后定会约朋友再嚟chill吓，叹吓美酒，环境清静，相当一流。