嚐味喇沙 (已結業)

如题叫咗碗龙虾汤喇沙掺掺其实都预咗冇咩龙虾汤，但都估唔到连喇沙汤都揾啲沙嗲花生水扮下哇？食咗咁多年喇沙，好食唔好食都要有啲椰奶喇沙酱啦，定系大家对喇沙嘅定义有少少出入🤷🏻‍♀️另外叫左碗水煮牛肉够胆死揾啲打边炉麻辣汤底，冇花椒粒冇芽菜，但有萝卜同椰菜，远睇以为系罗宋汤🤷🏻唔觉意听到隔离枱嫌碗清汤牛肉河啲牛有怪味，个侍应劲唔好老皮话换过碗。然后再有食客问点解佢碗冬阴功河奇怪，系咪真系冬阴功嚟？个侍应解释话系冬阴功味嘅汤，唔系冬阴功🤷🏻‍♀️正宗挂羊头卖狗肉，我觉得做餐厅可以诚实少少，你冇喇沙咪冇啰，嫌多功夫唔想整水煮牛咪唔好卖啰，你呃得我入黎净系食一次又何必？