鳳城酒家 (干諾道西) (已結業)

又同我好钟意饮茶嘅朋友出去食嘢，一有机会佢就话要饮茶╮(￣▽￣"")╭ 于是乎我哋喺中环揾呀，点都揾唔到合适嘅茶楼，结果唯有坐车去咗近近哋嘅上环凤城。 去得凤城，就梗系想食佢哋嘅怀旧点心。我哋叫咗炸粉果。OK嘅，佢哋系即刻整热辣辣，不过感觉佢哋用咗好多梳打粉(为咗令佢松脆)。 鲜竹卷、鸡扎同埋烧卖，佢哋都交足功课，唔出色但我冇咩特别挑剔。 反而系佢哋嘅灌汤饺，个样就好似好正宗，但系一拎起佢就穿。唔紧要，最紧要好食。点知。。。食食吓发现佢里面嘅汤根本就未解冻得切，仲系一旧一旧啫喱咁，扣晒分。 灌汤饺呢个问题，喺铜锣湾同埋上环都系咁，里面啲汤仲系结成一旧旧。我会去埋佢哋嘅北角分店试吓，睇吓系咪师傅嘅问题。