芝樂坊餐廳

营业中

休息中

利申，我唔钟意食奶制成品其实听到间嘢叫Cheesecake Factory已经完全冇兴趣试，但有个fd好想试，又check过个餐牌有唔芝嘢食，就陪吓佢哋食啦！都知佢开咗一段日子，我18:30到攞飞，4人枱都要买等个半钟入到餐厅第一感觉都几大，第二感觉系好黑坐低冇耐就有人问你要唔要包，通常依啲美式餐厅好少会问你要唔要，系咪都俾咗你先，后来我终于明白点解，4个女仔，点咗每人一杯嘢饮，一碟caesar，水牛鸡翼，蟹肉云吞同carbonara，其实我哋本来想叫多样嘢食，但我制止住班颠婆，嚟依度最大目的系食cake食紧旧包沙律就嚟到喇，好大碟，我就略嫌酱汁太多，但我有两个fd系芝士控，就觉得最好味系个沙律; 分完沙律个云吞就嚟喇，依碟嘢叫脆蟹肉云吞，脆就脆喇，但一啲都冇蟹味(其实我好似食唔到蟹肉添)，里面一pat白色芝士酱，连芝士控ss…都话唔得。好"lon lon"口食下一样，buffalo wings，好大只，味好浓，不过我觉得tabasco过浓，有少少过酸，最后carbonara，卖相出众，系几滑身，由于我对奶冇乜好感，落咗劲多黑椒，都难掩啲cream味不过对奶冇特别抗拒嘅人，应该会钟意。