閨•家 (寶榮大廈) (已結業)

又嚟食闺家喇！除左因为餐厅系公司附近，够哂方便之外，汤水都无加任何味精，食得健康又放心。咖喱猪扒饭可拣唔同辣度，包括走辣、小辣、中辣及劲辣。今次试既小辣就一啲都唔辣，咖喱汁带点甜味，有两片猪扒，好松软好易就咬得开，仲有少少薯仔同红萝卜等配菜。海底椰栗子煲猪展最钟意饮呢类偏甜既汤水，有猪展及栗子等汤渣，好足料，而且无落味精，饮完都唔会口干。菜心跟餐加$12可以拣生菜或者菜心，可配豉油或蚝油。冻朱古力典形既茶记冻朱，上面冻冻地，底部系用热水刚冲好既朱古力，捞匀后饮更好味。