閨•家 (美基樓) (已結業)

闺家系平靓正既茶餐厅，屯门呢间开左半年， 依旧人气不灭， 食物质素keep住水准。叫饭送无味精老火汤，每日都唔同的，今日星期五系五指毛桃淮山煲鸡，饮落好舒服，味道好似椰子汤，好清香，仲有几粒红萝卜， 胡萝卜素对眼好。香煎莲藕饼猪扒饭 $50肉饼食到有粒粒莲藕，清脆口感。 猪扒冇用松肉粉，切薄片，人手剁，松化入味。有葱油酸菜伴碟，正。客家炆猪手 $48今日终于食到猪手，上两次来都冇晒。有四大旧猪手，炆得好淋，猪手皮同筋好q弹，好香南乳味，低下仲有粒粒花生。油菜 $12录得啱啱好，菜心口感爽脆， 配甜豉油。麻辣鸡肾 $28鸡肾系每次来都会叫的小食， 超大份，冻冻地，香蒜麻辣味十足，越食越开胃。