影片
更多
2018-04-08
22293 浏览
话说系网上讲到热烘烘的Dear Lily位于中环ifc的P4层。早排系Facebook睇完消息，就已经同闺蜜约好Weekend要黎潮圣！由于见到Openrice的分享要排成2个钟先有得食，所以今次我就拣左星期日的5:30pm就到餐厅。餐厅主要分室内及室外，到呢间餐厅，当然要坐入室内睇佢的Design啦！一入到去已经闻到淡淡的薰衣草味道，餐厅职员都好快就安排了座位比我们。餐厅唔算大，系门口左右两眼就睇得晒。另外，餐厅的装饰真系超级超级华丽！除左整个天花板都倒吊薰衣草外，四处的装饰都非常精致！就连调配Cocktail的地方都令人目不暇给！就算每张餐枱都挂住小小的装饰。餐厅于下午3-6点会提供Afternoon Menu，价钱由$78-218，由黑松露薯条、鸡翼、汉堡、冻肉芝士拼盘都有。由于我们两个女仔都唔系好肚饿，所以就只系叫左一份鸡肉凯撒沙律及一份黑松露薯条。沙律份量适中，配料除左有鸡肉、生菜外，仲有鳀鱼、温泉蛋、烟肉、面包粒及Parmesan Cheese。沙律的味道好丰富，除左有芝士咸香、鳀鱼的鲜味。想赞的系沙律唔会有太厚的酱汁，不过略嫌生菜唔够脆口。至于黑松露薯条，餐厅用左幼身薯条
餐厅主要分室内及室外，到呢间餐厅，当然要坐入室内睇佢的Design啦！一入到去已经闻到淡淡的薰衣草味道，餐厅职员都好快就安排了座位比我们。
餐厅唔算大，系门口左右两眼就睇得晒。另外，餐厅的装饰真系超级超级华丽！除左整个天花板都倒吊薰衣草外，四处的装饰都非常精致！
就连调配Cocktail的地方都令人目不暇给！
就算每张餐枱都挂住小小的装饰。
餐厅于下午3-6点会提供Afternoon Menu，价钱由$78-218，由黑松露薯条、鸡翼、汉堡、冻肉芝士拼盘都有。
由于我们两个女仔都唔系好肚饿，所以就只系叫左一份鸡肉凯撒沙律及一份黑松露薯条。沙律份量适中，配料除左有鸡肉、生菜外，仲有鳀鱼、温泉蛋、烟肉、面包粒及Parmesan Cheese。沙律的味道好丰富，除左有芝士咸香、鳀鱼的鲜味。想赞的系沙律唔会有太厚的酱汁，不过略嫌生菜唔够脆口。
Classic Chicken Caesar
$128
404 浏览
0 赞好
0 留言
至于黑松露薯条，餐厅用左幼身薯条，炸得金黄香脆的幼著条，配住香浓的黑松露，真系好惹味。
Truffle Skinny Fries
$78
267 浏览
0 赞好
0 留言
另外，餐厅都提供多款Signature Cocktail，每一款都有不同的背后Message，大家可以再细味每款的意景。
我就拣左Mademoiselle Lily，Vodka做base，加入荔枝及莓的甜味，就算唔饮开酒的我都好易入口，而且酒的浓度都唔算好高。
Mademoiselle Lily
242 浏览
1 赞好
0 留言
另外，闺蜜叫Kiki，所以就叫左Kiki de Montparnasse。
用了Gin及Sake做酒的Base，再加入了苹果汁给芒果Puree，味道好fresh，好适合夏天饮。
Kiki de Montparnasse
168 浏览
0 赞好
0 留言
同闺蜜倾倾下，天色开始暗，餐厅的灯色都适当地调暗，餐厅仲将已经燃点的小蜡烛放到每张枱上，令餐厅更有情调。
埋单时已经7点，但我却见唔到排队的人龙。如果大家有兴趣黎Dear Lily的，就算迟左到达中环的，都可以去试下睇下有无位。
另外一提，餐厅无论餐单及职员都系以英文为主，现场唔多觉有香港人职员，所以唔熟英文的朋友孖住个英文叻D的朋友哦。
==============================
钟意我的分享的，我邀请你订阅我的食评，我会继续与大家继续吃掉世界，甚至吃掉整个宇宙！(哈哈)
张贴
