Co-Dining Space (已結業)

唔系朋友介绍都唔知，原来广东道有一座大厦有好多好嘢食。今次朋友仔揾咗呢一间 Co Dinning Space，上到去感受有小清新，装修好靓而且环境好舒服。由于我地去到嘅时候，时间仲好早，未到一般晚饭时间，所以未系好多人，好舒服。我地叫咗三个小食同一个饭，出奇地好食！头盘系巴马火腿拼哈密瓜，啲哈密瓜好甜好多汁配埋巴马火腿一齐食刚刚好！第二个小食系美国香辣脆鸡翼，外脆内软，而且唔会太辣，我朋友系唔食得辣嘅人都话好好食！第三样西班牙黑毛猪配番薯条，薯条炸得好脆，黑毛猪嘅烧得岩岩好，啲肉柔嫩又多汁。呢个真心西利，就咁睇卖相已经心心眼！！！最钟意佢用甜甜的番薯条，不是普通食开的薯条！主食我哋就叫咗烟三文鱼意大利饭，啲饭嘅软硬度刚刚好唔会太湿又唔会硬掘掘，而且啲竟然有Wasabi嘅味道，好惊喜。三个女仔食呢个份量岩岩好！唔会太饱、又唔会唔够！今次朋友仔拣得非常好。值得一赞！