影片
更多
2023-10-23
96 浏览
之前朋友介绍话聚聚个花胶姬松茸冬瓜盅, 足料觧甜, 好抵食。今日约埋同事一齐黎试下先。点知………唔好意思呀, 暂时无冬瓜盅, 因为冬瓜唔当造唔当造唔当造唔当造，我一心黎试呢个花胶姬松茸冬瓜盅咖嘛, 完全醒唔起, 已经入秋🙈好彩, 食物都多种类, 好快就谂好食咩！小蛏浓汤浸时蔬呢个菜好特别, 有一片青柠比你自己加。我地就无加到, 因为同台有人反对😂菜都系保持到爽脆口感, 唔系煮到林哂果种。小蛏无沙而且量都算多。成个𩠌既主角系个汤, 好香浓既楜椒味, 咁岩天气凉左, 岩哂, 好快就比大家KO哂。头抽鲜辣鸭舌有小惊喜, 系用有埋须既鸭舌，后段个须位有个小肌肉，入哂味好好食咖。虽然叫头抽鲜辣鸭舌,但辣味唔算好劲，都食到头抽既甘甜味。唔错。眼前一亮烟熏鸡系等人齐既时候见到系推介之一， 就试试佢。呢个眼前一亮烟熏鸡有齐色香味之余仲有满足埋视觉享受。上台既时候侍应好好人提提大家， 可以准备电话影底开盖既一刻。慢慢打圈咁开盖令到入面既烟慢慢扬出黎， 首先闻到淡淡既烟熏香味。唔好睇佢好深色以为好浓味，食落有淡淡豉油香， Ｄ烟熏味入哂鸡肉度，果然好值得推介。椰皇鸡炖珍宝花胶话哂都食唔到个花胶姬松茸冬瓜盅，
点知………唔好意思呀, 暂时无冬瓜盅, 因为冬瓜唔当造唔当造唔当造唔当造，我一心黎试呢个花胶姬松茸冬瓜盅咖嘛, 完全醒唔起, 已经入秋🙈
好彩, 食物都多种类, 好快就谂好食咩！
小蛏浓汤浸时蔬
呢个菜好特别, 有一片青柠比你自己加。我地就无加到, 因为同台有人反对😂
菜都系保持到爽脆口感, 唔系煮到林哂果种。小蛏无沙而且量都算多。成个𩠌既主角系个汤, 好香浓既楜椒味, 咁岩天气凉左, 岩哂, 好快就比大家KO哂。
头抽鲜辣鸭舌
有小惊喜, 系用有埋须既鸭舌，后段个须位有个小肌肉，入哂味好好食咖。虽然叫头抽鲜辣鸭舌,但辣味唔算好劲，都食到头抽既甘甜味。唔错。
眼前一亮烟熏鸡
系等人齐既时候见到系推介之一， 就试试佢。呢个眼前一亮烟熏鸡有齐色香味之余仲有满足埋视觉享受。上台既时候侍应好好人提提大家， 可以准备电话影底开盖既一刻。慢慢打圈咁开盖令到入面既烟慢慢扬出黎， 首先闻到淡淡既烟熏香味。唔好睇佢好深色以为好浓味，食落有淡淡豉油香， Ｄ烟熏味入哂鸡肉度，果然好值得推介。
椰皇鸡炖珍宝花胶
话哂都食唔到个花胶姬松茸冬瓜盅， 就叫返个椰皇鸡炖珍宝花胶滋补下。夹花胶出黎果阵，系有少少难度，因为呢胶太大旧， 个椰皇切口顶住左。夹左出黎之后真系呆一呆，你以为一片仔? 系一大旧原件花胶。口感系偏爽身，成只花胶都吸哂椰皇味，每咬一口都食到椰皇香。好彩无落太多盐，完全保持到椰皇既清香甜味。
焦糖菠萝咕噜肉
摆盘好靓，用心之作。夹起既时候，见到有轻轻拉丝，皮比较厚身但就好脆口，肉应该简左肥瘦相间果种，林滑有肉香。我个人就觉得可以再酸多少少。朋友们对个菠萝赞不绝口， 一路食一路话个菠萝赞好食呀! 个菠萝赞好甜! 个菠萝赞好正㖞! 😂😂😂
上汤乌冬龙虾
原来呢个系隐藏菜色，我地见到隔离台食紧，就想睇下几钱份，揾极个点餐System都无，再揾埋本Menu，都系无……问下侍应，原来Menu系无，限量供应，睇下厨房仲有无先。
好彩比我地叫到最后一份。个虾身既肉就偏细左D，但味道系十分出色，个乌冬完全入哂上汤龙虾香味。而且乌冬系烟银有咬口。
最后叫左几款甜品, 都唔错。我估个花胶姬松茸冬瓜盅要等到下年先有得再试! 我唯有黎多次!哈哈!
张贴
