白宮咖啡室 (已結業)

好耐好耐之前食过一次，一直都觉得佢既All Day Breakfast几好食，同埋好记得佢呢度有好靓既公仔图案咖啡☕️之前同朋友讲起，又好想再去食😳于是我地三个就决定放左工黎食下😊点知去到见到餐牌冇All Day Breakfast，真系有少少失望😞因为都算系特登为左佢而黎！我谂宜家可能得返中午或下午茶先有挂~最终我就叫左个卡邦尼意粉，貌似都几吸引咁🤔-🎈卡邦尼意粉第一啖食觉得几好食，好creamy！但越食就越觉得有啲腻！不过入面啲料好多，有烟肉、蘑菇同洋葱😋至于我朋友叫既个个忌廉明太子意粉就等得有啲耐，接近食完都未黎😭黎到既时候我试左佢个个一两啖，觉得明太子味唔算好重，偏淡！整体黎讲，今次食就觉得一般般！但呢度环境确实几好，除左楼下有位之外，佢楼上都有座位，仲有一个比小朋友玩既区域。餐厅又唔算话好多人，都静静地咁，好岩闺蜜系度谈心💕但如果我下一次再黎，一定会拣lunchtime/Tea time，咁就可以食到一直超想食既All Day Breakfast 啦😚