一起果醬 (已結業)

闺蜜相约见面聚一聚，佢俾咗条link过我，话呢间食过唔错，咦...果酱...? 唔系食晚餐咩?地点都容易揾嘅，投注站右转上少少斜就到，门口摆咗店家的自制果酱。叫咗两个套餐加一个多士，套餐系沙律、餐汤+主菜+甜品，如果想饮嘢，可以半价加嘅。田园沙律配热情果油醋汁材料新鲜，个汁好酸，虽然我钟意热情果香味，不过味道加埋醋实在太酸。磨菇汤几好味，有菇粒粒。红汤就普通，ok啦。慢煮法式羊架配芒果芥末汁钟意食羊扒，无咩膻味，肉质软腍，酱汁芥末味出啲，唔错㖞。慢煮极黑毛猪扒配肉桂苹果汁猪扒肉味香浓有肉汁几好唔错，仲有新鲜车厘茄和露笋伴碟，啲餐具都几精致。跟餐甜品cheese cake面头淋上果酱，又系一种不错的风味。果酱九宫格多士，九宫格让我想起小学时写毛笔字的本子。厚面包烘得外表香脆，内里仍然软熟，多士分成九分，所以叫做九宫格吧。每格各放一种自家果酱，总共九种果酱口味，唔记得啲名啦，不过几过瘾，又几好味，还有果肉在内。