博多拉麵別天神 (已結業)

原来别天神已经扩展到北角，离我返part-time地方好近，对上一次食别天神已经系两年前，所以夜晚放工决定食别天神拉面。望一望餐牌，发现拉面嘅价钱同两年前差唔多，都系$100以下，相当经济实惠。同日本传统拉面店一样，门口有一部食券机。顾客要先买票，坐低嘅时候再将票交俾师傅。狭窄的通道正正系日本拉面店嘅特色。由于我早排喺日本食亲都系酱油同味增拉面，今日食清淡啲叫咗豚骨拉面。别天神采用嘅面条非常幼身，属于烟烟韧韧𠮶种，伴随汤底嘅豚骨香味。虽然叉烧比较薄，但胜在肉味浓。最正系性感既糖心蛋，完全无过熟，整体依旧出色。套餐包埋饺子四只，食完真系好饱好满足。朋友钟意浓味既拉面，所以佢叫左虾味噌豚骨拉面。虽然浓味但唔油腻，大量樱花虾亦有助减低油腻感。小龙虾蟹子沙律入面有真．龙虾肉，而且份量几多，果然童叟无欺。埋单唔使$200，系香港咁多间拉面店之中，别天神CP值应该系最高。