Give Me 5 (已結業)

之前同同事黎過食甜品，印象唔錯。餐廳面積好大，有D卡位仲可望到海景，仲有得玩飛鏢同桌球添。Change SET Dinner +$80🥓蜜瓜西班牙火腿配黑醋汁沙律西班牙火腿鹹香十足，哈蜜瓜切粒粒伴沙律菜尚算新鮮。🥄周打魚忌廉湯蒜蓉包香脆可口，味道唔錯，忌廉湯則有點普通。🍝炸軟殼蟹煙肉卡邦尼意大利意粉 $108軟殼蟹鬆脆，味道一般。但煙肉卡邦尼個汁調味唔錯，雖然邪惡但無法抗拒，好快清光。🥩🦐安格斯牛小排伴虎蝦配香辣燒烤汁 $188虎蝦煎得好香，食落彈牙。牛小扒五成熟，外皮略嫌過熟，但內裡尚算肉嫩，沾上香辣燒烤汁會更惹味。🍰芝士餅配雪糕雪糕細滑，芝士餅係綠茶味，賣相雖然普通，但味道唔錯，綠茶同芝士味都出到。🍰鮮果拿破崙 $88今晚最期待既甜品，之前食過覺得好好味。手臂甘大份，頂部雜果新鮮，酥皮香脆，重點係内層既吉士醬幼滑濃厚超好味，真係必食甜品。走既時候我先見到原來有10蚊生蠔，好抵食！怪自己眼細睇唔到，雖然下次再黎過啦。