埠 (已結業)

第一次嚟食呢间餐厅，walk in都已经几多人好多系坐去近窗边海景位，而我哋就拣咗近门口嘅位置呢度嘅关东煮好似都几出名，所以就叫咗一个，整个保温锅上下面仲有燃料热住，店员俾咗碗同埋一碟黄芥末，俾我哋点关东煮一打开入面热辣辣嘅汤发出扑鼻嘅香味骤眼睇落见到有满满嘅福袋，豆腐，鸡蛋同竹轮，点知到装出嚟先见到佢入面仲有好多嘢食有大根，芋丝，魔芋魔芋仲要切开咗卷咗一圈，就算质地滑溜溜都唔怕夹唔起，师傅好贴心大根食落冇渣，好甜，又索哂啲汤汁而且佢全部都系好正宗日本关东煮嘅材料特别surprised嘅系佢嘅蛋系溏心嘅，一咬落去蛋汁就留哂出嚟，蛋白部分亦好滑嫩，好正食完个关东煮已经好满足另外仲叫咗啲串烧，有牛肉同南瓜见到师傅系烧烤炉前举高手洒盐，动作令人不禁谂起之前洒盐好出色嘅土耳其厨师salt bae牛肉烧得十分嫩滑，牛味浓之余，一丝丝嘅肉质唔韧，仲好似入口即溶，师傅烧肉嘅功夫真系一流烧南瓜表示有少少焦，食乐好香，面层仲带少少甜味，十分原汁原味最后仲食咗个甜品 南高梅果冻晶莹剔透嘅啫喱入面有原粒带核南高梅，食落口带微酸，小小清新嘅感觉为呢餐作结