影片
更多
2012-09-18
53 浏览
之前试咗佢几款切饼同千层酥，卒之都买咗个「关西柚子芝士蛋糕」返嚟试试，趁今晚人齐啲晌小弟屋企查经，就买一个一齐分享，当查经后嘅小茶点。东海堂一向致力出品优质日式蛋糕、甜饼，近年多做咗宣传，又揾日本人气西饼师合作嚟做料理顾问，依个关西柚子芝士蛋糕就喺佢嘅头炮，以欧洲风格嘅芝士饼揉合日本食材，又睇睇成绩如何？味觉有咩冲击？蛋糕本身有三层，占成个蛋糕1/3嘅底层喺海绵清蛋糕，跟住薄薄一层柚子皮夹柚子果酱，另外2/3就喺柚子芝士慕丝，再跟一包杏仁方脆铺在饼面，可说有四重唔同质感。外型纯洁简朴而带少许玩味，呈长形无乜花巧装饰，海绵蛋糕底喺基本功，做得松软绵绵；中间一层嘅柚子果酱做得太薄唔明显，差啲唔知，喺食到时候嗒到啲柚子皮才稍为食出，味道还是香甜；至于柚子芝士慕丝，睇介绍喺以关西直送100%纯柚子汁同法国忌廉芝士打成，口感幼滑，又散发出柚子清香，感觉几清新可人，柚子味确喺颇为突出，相反，芝士味就较为隐约喇。好多年前去过日本关西，真喺唔知原来关西柚子都几出名㖞。杏仁方脆，似喺杏仁牛油曲奇咁，食落松化。讲到玩味，就喺啲杏仁方脆，客人可自行用佢哋做出自己心水图案，铺晌饼上，不过，其实可变化嘅地方都唔
东海堂一向致力出品优质日式蛋糕、甜饼，近年多做咗宣传，又揾日本人气西饼师合作嚟做料理顾问，依个关西柚子芝士蛋糕就喺佢嘅头炮，以欧洲风格嘅芝士饼揉合日本食材，又睇睇成绩如何？味觉有咩冲击？
蛋糕本身有三层，占成个蛋糕1/3嘅底层喺海绵清蛋糕，跟住薄薄一层柚子皮夹柚子果酱，另外2/3就喺柚子芝士慕丝，再跟一包杏仁方脆铺在饼面，可说有四重唔同质感。外型纯洁简朴而带少许玩味，呈长形无乜花巧装饰，海绵蛋糕底喺基本功，做得松软绵绵；中间一层嘅柚子果酱做得太薄唔明显，差啲唔知，喺食到时候嗒到啲柚子皮才稍为食出，味道还是香甜；至于柚子芝士慕丝，睇介绍喺以关西直送100%纯柚子汁同法国忌廉芝士打成，口感幼滑，又散发出柚子清香，感觉几清新可人，柚子味确喺颇为突出，相反，芝士味就较为隐约喇。好多年前去过日本关西，真喺唔知原来关西柚子都几出名㖞。杏仁方脆，似喺杏仁牛油曲奇咁，食落松化。讲到玩味，就喺啲杏仁方脆，客人可自行用佢哋做出自己心水图案，铺晌饼上，不过，其实可变化嘅地方都唔多。如果送多支朱古力或芒果浆唧笔，等客人发挥更大创意晌饼面写写字或画图案，相信仲有趣、玩味更大。
依款饼话喺季节限定，相信源于关西柚子，咁迟啲又可唔可用上其实柚子嚟出呢？如泰国金柚，台湾文旦柚，唔知味道又会喺点呢！张贴
