金鶴拉麵 (荷李活道) (已結業)

晚餐想食碗拉面见唔洗等位就来到中环呢间拉面店，menu选择都唔少，二人决定每人一碗拉面同share一份小食。每张枱都有支酒精搓手液同纸巾，防疫意识好高，值得一赞👍🏻！北海道海老浓厚拉面（$138）一开始系想试蟹汤，但系店员话甘岩果日得虾汤，应该都唔差所以叫来试下，好彩无失望，樱花虾好足料，汤味亦浓厚，面嘅软硬度适中，配上溏心蛋、叉烧同紫菜，都算对得起个价钱，毕竟喺核心地区嘅中环。盐味拉面（$88）虽然系盐味，但系都唔会过份咸，除咗叉烧之外，仲有应该系慢煮鸡胸，无咩雪藏味，又唔会鞋，鸡胸来讲都可以，而因为汤底清清地更突显个溏心蛋嘅美味。日式唐扬炸鸡（$38）炸得金黄色，炸粉唔会太厚，肉质都算嫩滑，估唔到都几大件，性价比高。