影片
更多
2022-08-04
380 浏览
又来食呢间猪扒米线，真系食第三次都系咁好食！今次食咗小食同埋加咗𩠌，再介绍俾大家，真系抵食又好食🤩🤩🤩🍴阿一真味猪扒蚝仔麻酸辣米线 $43 +$7 中辣 (10/10)上次食小辣唔辣，今次食中辣刚刚好！米线份量都好多，表面有葱、花生、自制酸辣菜。汤底酸辣带有少少麻辣，酸辣系来自佢嘅酸菜，辣度啱啱好，唔会辣到胃痛又有刺激感，唔太咸，酸菜爽口又好食，加埋花生配料，口感好丰富。米线比较粗，好滑，唔会煮得太淋，啱啱好，感觉浸几耐汤都唔会淋。由于叫咗蚝仔两个𩠌所以猪扒比起正常少左一旧，蚝仔加$7，真系抵到爆炸，有成八粒，每精话都劲大粒劲饱满，一啲都唔腥有蚝仔味！一定一定要加蚝仔嚟食！猪扒有两大旧，猪扒有炸香过，有油香好香口，淋身得来爽口，仲要少腌味冇拿口，真心超好食！$43咁足料咁大碗，仲要超级饱，好高CP值！食完冇口干亦都唔觉得太咸！🍴 麻辣手撕鸡 $44 (9/10)手撕鸡嘅份量正常，都有10旧嘅，有超级多嘅酸菜，花生，葱花，再加埋酸酸地嘅麻辣酱，酸菜好爽口又够醒，麻辣得来又大少少麻，唔会太辣，手撕鸡系鸡胸肉嚟嘅，唔会太鞋口，真心用嚟捞米线食好正！真心好食，下次会想食牛肉🤣🍴冻柠茶少冰走甜
🍴阿一真味猪扒蚝仔麻酸辣米线 $43 +$7 中辣 (10/10)
上次食小辣唔辣，今次食中辣刚刚好！米线份量都好多，表面有葱、花生、自制酸辣菜。汤底酸辣带有少少麻辣，酸辣系来自佢嘅酸菜，辣度啱啱好，唔会辣到胃痛又有刺激感，唔太咸，酸菜爽口又好食，加埋花生配料，口感好丰富。米线比较粗，好滑，唔会煮得太淋，啱啱好，感觉浸几耐汤都唔会淋。
由于叫咗蚝仔两个𩠌所以猪扒比起正常少左一旧，蚝仔加$7，真系抵到爆炸，有成八粒，每精话都劲大粒劲饱满，一啲都唔腥有蚝仔味！一定一定要加蚝仔嚟食！猪扒有两大旧，猪扒有炸香过，有油香好香口，淋身得来爽口，仲要少腌味冇拿口，真心超好食！$43咁足料咁大碗，仲要超级饱，好高CP值！食完冇口干亦都唔觉得太咸！
🍴 麻辣手撕鸡 $44 (9/10)
手撕鸡嘅份量正常，都有10旧嘅，有超级多嘅酸菜，花生，葱花，再加埋酸酸地嘅麻辣酱，酸菜好爽口又够醒，麻辣得来又大少少麻，唔会太辣，手撕鸡系鸡胸肉嚟嘅，唔会太鞋口，真心用嚟捞米线食好正！真心好食，下次会想食牛肉🤣
🍴冻柠茶少冰走甜 +$9 (7/10)
正常柠檬唔会苦涩，茶味今次比较淡。
推荐指数: 10/10
阿一猪扒酸辣米线暂时都系心目中最好食嘅猪扒米，真心推荐比钟意食猪扒米线嘅你。
张贴
