影片
更多
2016-08-31
13145 浏览
入到富临饭店，一眼就望到呢对字: 「阿一鲍鱼 为国争光」厉害！究竟应该点形容呢位厨神呢？一个字: 掂两个字: 经典三个字: 杨贯一四个字: 富临饭店五个字: 铜紫荆星章六个字: 世界厨艺精英七个字: 美国五星钻石奖八个字: 世界御厨最佳厨师九个字: 世界御厨驻香港大使 十个字: 代法国总统颁赠银碗奖仲有？11个字: 法国农业部最高荣誉勋章12个字: 阿一鲍鱼始创人董事总经理仲有?？13个字: 再唔开饭我真系会肚饿到打人!! (请原谅我心急) 😁😁寻晚呢餐饭， 都可以话系我咁大个仔食广东菜以来，最好食嘅一餐，绝对系我嘅经典饭局。用心去做，精心制作，上佳材料，超凡厨艺，广东菜顶班之作，一哥好嘢。最开心系一哥坐埋喺度一齐食，一边讲解菜式，一边畅谈往事，特别是他如何将鲍鱼地位提升，从切片碟头菜升格为原只食矜贵菜。还有他做菜给达官贵人，国家元首，商界名流等等的轶事趣闻。𩠌菜出色，故事动人，仲想点？好，首先出场系红烧鸡汤翅，个翅身够粗够肥， 但又好滑好嫩，个汤浓得嚟入口清甜，质地滑不留口。招牌菜鹅掌鲍鱼又点会失手，日本鲍一定靓，用刀切落去时把刀好似被腍实，要慢慢拖番出来，够哂溏心。「切鲍鱼，你地知
一个字: 掂
两个字: 经典
三个字: 杨贯一
四个字: 富临饭店
五个字: 铜紫荆星章
六个字: 世界厨艺精英
七个字: 美国五星钻石奖
八个字: 世界御厨最佳厨师
九个字: 世界御厨驻香港大使
十个字: 代法国总统颁赠银碗奖
仲有？
11个字: 法国农业部最高荣誉勋章
12个字: 阿一鲍鱼始创人董事总经理
仲有?？
13个字: 再唔开饭我真系会肚饿到打人!! (请原谅我心急) 😁😁
寻晚呢餐饭， 都可以话系我咁大个仔食广东菜以来，最好食嘅一餐，绝对系我嘅经典饭局。用心去做，精心制作，上佳材料，超凡厨艺，广东菜顶班之作，一哥好嘢。
最开心系一哥坐埋喺度一齐食，一边讲解菜式，一边畅谈往事，特别是他如何将鲍鱼地位提升，从切片碟头菜升格为原只食矜贵菜。还有他做菜给达官贵人，国家元首，商界名流等等的轶事趣闻。𩠌菜出色，故事动人，仲想点？
好，首先出场系红烧鸡汤翅，个翅身够粗够肥， 但又好滑好嫩，个汤浓得嚟入口清甜，质地滑不留口。招牌菜鹅掌鲍鱼又点会失手，日本鲍一定靓，用刀切落去时把刀好似被腍实，要慢慢拖番出来，够哂溏心。
「切鲍鱼，你地知唔知点切先最好食，直切？ 打横切？定喺斜切？」一哥笑笑口问。
跟住嚟条两斤重老鼠斑，蒸到啱啱好，肉质要用鲜到甜嚟形容。炸鸡个皮好似纸咁薄，但又好松脆，鸡肉鲜甜，好有鸡味。
然后， 玩下食乳鸽。点玩？ 先吃鸽肉伴火腿，属于怀旧菜，旧时去饮宴的热荤菜，通常都有呢一味，乳鸽起肉炒好鲜嫩，但系啲火腿点解有啲……
「 系唔系觉得啲火腿甜甜地？因为我先将火腿浸蜜糖过夜，然后先攞嚟做𩠌。」一哥解释畀我地听。
跟住呢一味乳鸽蛋配凤尾虾够哂特别，乳鸽蛋似鹌鹑蛋大细，蛋黄已熟，但蛋白仲松松地，有啲似温泉蛋𠮶种质地，好神奇。 乳鸽蛋好食，凤尾虾又好味，加埋个蟹粉汁，无敌！
最后个荷叶饭，新鲜料多够份量，瑶柱丝，冬菇粒，鲜虾，真系乜嘢料都靓，啲饭做到一粒粒够干身，问你服未？
一哥就系一个，我服哂！
系㖞， 唔记得讲鲍鱼点切先好味？呢样嘢好难讲，你哋最好请我去富临食饭，然后我会示范俾你睇，点样落刀切先系最好味！😂😂
张贴
