Lockeroom Dining (譽發廣場) (已結業)

阿仙奴球迷必到！另一半热爱足球，虽然佢无特别支持嘅队伍，但足球主题都已经啱哂！环境系誉发广场好易揾，一打开䢂见到餐厅门口已经贴咗球星嘅墙纸，入到去每个角落都有足球嘢，连餐具都系球场/足球样。餐牌有Dinner Set, 有单点，价钱合理。 咸蛋黄鸡翼(五件) $78只只都大大只，咸蛋黄舖满鸡翼表面，仲有沙沙口感，不过油分就高咗d。 西班牙黑毛猪黑醋意大利扁意粉 $138黑毛猪望落去好似叉烧咁，食落去都松软，扁意粉弹牙，用黑醋调味酸酸甜甜好开胃。 Set : 炭烤美国1855牛肋排蜜糖烧肉汁  $188包括沙律、餐汤及蒜香牛油法包。沙律原瓶上，蒜香牛油法包好有home made嘅感觉。牛肋排有三大块，薄切，牛肋排虽然系烤，但好松软，刀身切落去好易切开，牛味都颇浓，好钟意佢个酱汁，偏甜，配牛肋排几夹。 荔枝薄荷梳打 set加$13 清新，仲带荔枝甜味。总括而言，食物质素唔错，味道偏甜少少啱我口味，平时成日觉得主题餐厅可能味道都麻麻地，但呢到嘅食物真系唔错，阿仙奴波友真系必到。